ឆាប់ពេញវ័យពេក
អ្នកស្រាវជ្រាវមកពី Society of Pediatric Allergy and Immunology បានរកឃើញថា កាលណាក្មេងស្រីឆាប់ពេញវ័យពេក ច្រើនតែមានបញ្ហាជំងឺតាអក និងជំងឺហឺត។
មករដូវមុនអាយុ ១២ឆ្នាំ
ដោយយោងទៅតាមការសិក្សាបានឲ្យដឹងថា បើសិនជាការមករដូវជាលើកដំបូងរបស់អ្នកកើតឡើងមុនអាយុ ១២ឆ្នាំ អ្នកត្រូវតែទៅពិគ្រោះជាមួយគ្រូពេទ្យដើម្បីធ្វើតេស្តរកជំងឺមហារីកសុដន់ផង។
មករដូវនៅអាយុ ១២ឆ្នាំ
តាមការចុះផ្សាយរបស់សារព័ត៌មាន Diabetic Medicine បានឲ្យដឹងថា ស្ត្រីដែលមករដូវនៅអាយុ ១២ឆ្នាំ មានការប្រឈមខ្ពស់នឹងជំងឺទឹកនោមផ្អែមប្រភេទទី២ ច្រើនជាងអ្នកដែលមករដូវនៅអាយុច្រើនជាងនេះ។
មករដូវនៅអាយុ ១៣ឆ្នាំ
ការសិក្សារកឃើញថា ស្ត្រីដែលចាប់ផ្តើមមករដូវនូវអាយុ ១៣ឆ្នាំ មានការប្រឈមនឹងជំងឺលើសសម្ពាធឈាម និងជំងឺបេះដូងកាន់តែតិច។
មករដូវនៅអាយុ ១៧ឆ្នាំ
តាមការសិក្សាដែលចុះផ្សាយក្នុងសារព័ត៌មាន Journal of Clinical Endocrinology and Metabolism បានឲ្យដឹងថា ស្ត្រីដែលមករដូវនៅអាយុចាប់ពី ១៧ឆ្នាំឡើងទៅ ឃើញថា មានកំហាប់ឆ្អឹងកាន់តែតិច និងប្រឈមខ្ពស់នឹងជំងឺពុកឆ្អឹង៕
0 comments:
Post a Comment