ចាន់ វឌ្ឍនាកា និង ធារី ចន្ថាប៊ីន បន្តជាប់ជម្រើសជាតិដដែល ទោះមិនសូវបង្ហាញខ្លួនក្នុងក្លឹបក្រៅស្រុកក្តី

(ភ្នំពេញ)៖ កីឡាករបាល់ទាត់ ចាន់ វឌ្ឍនាកា និង ធារី ចន្ថាប៊ីន ត្រូវបានគ្រូបង្វឹក Leonardo Luiz បានកោះហៅចូល ជម្រើសជាតិកម្ពុជាដដែល បើទោះបីជាមិនសូវបានក្លឹបនៅថៃ និងជប៉ុនមិនសូវដាក់ចូលលេងក៏ដោយ។

ថ្លែងក្នុងសន្និសីទសារព័ត៌មាននាព្រឹកថ្ងៃចន្ទ ទី២៩ ខែឧសភា ឆ្នាំ២០១៧ នេះនៅទីស្នាក់ FFC គ្រូបង្វឹកក្រុមគោព្រៃ កម្ពុជា សញ្ជាតិប្រេស៊ីល លោក Leonardo Luiz បានបន្តបញ្ចូលឈ្មោះកីឡាករលំដាប់ជួរមុខខ្មែរកាត់បារាំង ធារី ចន្ថាប៊ីន ដែលកំពុងឲ្យក្លឹបស្ថិតក្នុងលីគទី២ របស់ថៃ គ្រាដែល ចាន់ វឌ្ឍនាកា កំពុងលេងឲ្យក្លឹបអាជីព Fujieda MYFC ស្ថិតក្នុងលីគលំដាប់ទី៣ របស់ជប៉ុនចូលក្នុងក្រុមជម្រើសជាតិដដែល។

ការធ្វើសន្និសីទបង្ហាញឈ្មោះកីឡាករជាថ្មីនេះ ត្រូវបានធ្វើឡើងដើម្បីត្រៀមប្រកួតមិត្តភាពទល់នឹងក្រុមជម្រើសជាតិ ឥណ្ឌូនេស៊ី នាថ្ងៃទី៨ ខែមិថុនា មុននឹងបន្ដធ្វើជាម្ចាស់ផ្ទះវគ្គជម្រុះពានរង្វាន់ប្រចាំទ្វីបអាស៊ីខាងលើ នៅថ្ងៃទី១៣ ខែមិថុនា ឆ្នាំ២០១៧ នេះ។

សមាសភាពកីឡាករទាំង ២៥នាក់របស់ក្រុមជម្រើសជាតិកម្ពុជា មានដូចខាងក្រោម៖

១- ស៊ូ យ៉ាទី ២- ហ៊ុល គីមហ៊ុយ ៣- អ៊ុ សេរីរ័ត្ន ៤- អោម ឧត្តម ៥- ឆុំ ពិសា ៦- ណុប តុលា ៧- សឿយ វិសាល ៨- ធារី ចន្ថាប៊ីន ៩- នេន សុធារ័ត្ន ១០- សឿត បារាំង ១១- រស់ សំអឿន ១២- ឈិន ឈឿន ១៣- ទិត្យ ឌីណា ១៤- ប្រាក់ មុន្នីឧត្តម ១៥- ច្រឹង ពលរដ្ឋ ១៦- ហួយ ផល្លីន ១៧- ប្រាក់ ធីវ៉ា ១៨- អ៊ិន សុដាវិន ១៩- ស៊ុន វណ្ណដេត ២០- កែវ សុផេង ២១- កែវ សុខង៉ន ២២- ឃួន ឡាបូរ៉ាវី ២៣- ចាន់ វឌ្ឍនាកា ២៤- នួន បូរី ២៥- សារី ម៉ាត់ណូរ៉ូទីន៕