កុំព្យូទ័រនៅលីកាដូ និងគណៈកម្មការទន្លេមេគង្គឆ្លងមេរោគ

រូបភាពពីកុំព្យូទ័រពីក្រុមហ៊ុន Kaspersky បង្ហាញថា កម្ពុជាជាប្រទេស ទី៥០ លើពិភពលោក ដែលងាយរងគ្រោះដោយការវាយប្រហារតាមប្រព័ន្ធអ៊ីនធឺណេត គិតត្រឹមល្ងាចម្សិលមិញ។

ភ្នំពេញៈ នៅប៉ុន្មានថ្ងៃនេះកុំព្យូទ័រនៅអង្គការលីកាដូ និងគណៈកម្មការទន្លេមេគង្គបានឆ្លងមេរោគ ransomware ដែលទាមទារឲ្យបង់ប្រាក់លោះ។ នេះបើតាមប្រភពដែលបានថ្លែងកាលពីម្សិលមិញ។

លោក Mathieu Pellerin អ្នកជំនាញផ្នែកសន្តិសុខកុំព្យូទ័រនៅអង្គការសិទ្ធិមនុស្សលីកាដូបានថ្លែងថាមេរោគនេះត្រូវបានប្រទះឃើញក្នុងកុំព្យូទ័រពីរប៉ុន្តែត្រូវបានកម្ចាត់ចោល។

លោកថា៖ «នេះជាការឆ្លងមេរោគទីមួយហើយដែលទាមទារឲ្យបង់ប្រាក់លោះ»។ លោកបានកត់សម្គាល់ថាគ្មានហេតុផលគួរឲ្យជឿដែលថាអង្គការជាគោលដៅនៃការវាយប្រហារទេ។

លោកបានថ្លែងថា៖ «នេះគឺជាការឆ្លុះបញ្ចាំងពីការរាលដាលជាសកលនៃមេរោគបែបនេះ»។

កាលពីម្សិលមិញក្រុមហ៊ុន Kaspersky ដែលជាក្រុមហ៊ុននាំមុខគេផ្នែកសន្តិសុខកុំព្យូទ័របានដាក់កម្ពុជាក្នុងចំណាត់ថ្នាក់ទី ៤៤ នៃប្រទេសរងការវាយប្រហារមេរោគច្រើនបំផុត។

រីឯលោក Ian Thomas អតីតបុគ្គលិកគណៈកម្មការទន្លេមេគង្គបានថ្លែងថាលោកបានសម្អាតមេរោគក្នុងកុំព្យូទ័ររបស់លោកបីថ្ងៃមុនពេលលោកបានសង្ស័យឆ្លងមេរោគនៅលើ folders ក្នុង network របស់គណៈកម្មការទន្លេមេគង្គ។

លោក សុគង់ អាន់ ជំនួយការផ្នែក IT នៅគណៈកម្មការទន្លេមេគង្គបានថ្លែងថាការឆ្លងនេះគឺជាការចៃដន្យ។ «វាមិនមែនជាការហេក (hack) ទេ»។

មេរោគ ransomware គឺជាបច្ចេកទេសហេកដែលចាក់សោព័ត៌មានក្នុង network ដែលឆ្លងហើយទាមទារឲ្យបង់ប្រាក់ដើម្បីដោះសោនោះ។

លោក Niklas Femerstrand អ្នកជំនាញឯករាជ្យផ្នែកសន្តិសុខកុំព្យូទ័រធ្វើការនៅកម្ពុជាថាមេរោគនេះប្រហែលកើតតាំងពីឆ្នាំ ២០០៧ ៕ PS

ប្រភព ះ ភ្នំពេញប៉ុសិ៍្ត